MALO’ TEMMA’ DARA
Sitetti’ wae mata ma’dunu’ tekku pirasai peddi’na
ati ku, natro upojinna aleta’. Namagi tapakkua ka’, tasolangi ati’ku. Kegani
utaro rupakku nataro siri’na ati’ku nasaba’ ampe kedota’ lao rialeku. Samanna
maelo’ tapappadaka’ aju matabu tempe’ding riakkegunang. Itunu cappu’ mancaji
awu, riala pattolo’ mapolo nanre be’bu’.
De’ siseng kaga gunana itaro. Naulle kapang makanja’ rekko aja’ sisenna to siruntu’
natolletu’ mate. Nasaba’ rekko tuli siruntu’ki naulle kapang de’ ullei mallupaiki
narapi’ka mate. Maelo’ni riaga rekko ati de’ naullei massi’di.
Rapang apung
ri mulatommpo’na mata essoe maka cinnong temmaka paccing. Namagi lenyye’ ritengnga
pellana esso’e. Padato’ni lo’ iyya
engkae rilalengna ati’ku, malo’ temma’
dara, pada pessena ladang’e upirasai, pada pellana api ma’bara-barae
sessana pappene’di’ku’ nataro kanja’na sipa’mu lao ri aleku. Benneng
uwissengngi maelo’mo malaka pallawa saramu, naulle de’ ujelliki’ namua siseng
mua, antanrang kanja’na ampe-ampemu.
Sitetti’ wae
mata ku’ tempe’ding maddenne’ nasaba’ maka pe’di’na atikku nataro gau’-gau’mu.
Utanengekki’ bunga macinra riati ta’ namagi mubollo’I pake wae salo’ tempe’ding
naita mata. Malo’ temma’ dara ati’ku
mutaro. Tennapodo puangnge napaccapa’ni pappojikku lao rialeta’. Nigana ati maelo’
ripa’dua, nigatona tau maelo’ ripa’ dua. De’ gaga tau maelo’ ipaddua
pappojinna, nannia mappa’dua.
Maega tau
mukkukuae maelo’ mappa’dua nania de’ nelo’ ipaddua. Nigana ati temmape’di rekko
ri saliweng/ri kampong laingnge engka ulaweng tenri paccingi nataro tau
ripojjitta’. Agana gau maelo’ ripugau rekko ati tempe’ding tennang nawa-nawai
tau pura lo’i ati mappoji temmaggangkae. Pegani’ maelo’ mala uwae bollo’i ati
marakkoe nataro pe’di’ nannia siri’ temma’gangka’e. De’ gaga ati masabbara’ tennaruntu’
deceng temmapettu pole ri puangnge. Ati makossara’e tette’i naruntu’
maddimonrinna iyasengnge sussa.
Ati
masabbara’e naruntu’i decengnge
Ati
makossara’e naruntu’i sussae
Tidak ada komentar:
Posting Komentar